အသည်းကွဲဖူးတယ်
စာမေးပွဲကျဖူးတယ်
စားနိုင်သောက်နိုင်ဖူးတယ်
ခေါင်းငုံသိမ်ငယ်ဖူးတယ်
သေချာကြည့်လိုက်တော့ ဘာတစ်ခုမှ မသေချာတော့ဘူး
မျက်လှည့်ဆရာ လက်ထဲက ဖဲချပ်လို . . . နှင်းဆီပွင့်လို
ဘဝက အပြောင်းအလဲ မြန်တယ် ။
အနိုင်ရသူအတွက် ရှုံးနိမ့်ပေးခဲ့ဖူးတယ်
အရှုံးပေးသူတွေကိုလည်း အနိုင်ယူခဲ့ဖူးတယ်
ခေတ်အကြိုက်ကိုလိုက်ရင်း . . . လိုက်ရင်း
တိုက်ခိုက်ဖို့ထက်
ခုခံကာကွယ်ဖို့က အရေးကြီးတာကို သဘောပေါက်စအရွယ် . . .
မနက်ဖြန်ဆိုတာ
ကျည်ဆန်ထွက်လာမယ့် သေနတ်ပြောင်းဝလား
ကြားလိုက်မိတဲ့ သီချင်းက
“လူ့ဘဝဟာ ရခဲတယ်” ဆိုလား . . . ။ ။
No comments:
Post a Comment