ဘယ်လိုလွှမ်းမိုးမှု မှမပါ
ဗလာသက်သက် အလွမ်းကိုထားပြီး
နီးမယောင်ယောင် ဝေးသွားခဲ့တာ သေချာပြီ . . .
အချစ်ကိုမှ မမြင်တတ်ရင်
နင် ရှင်သန်နေခဲ့တာ ဘယ်လိုအဓိပါယ်နဲ့လဲ
ဖြေပါ . . .
မပြောဘူး မရောဘူးနဲ့ စိတ်ကိုတင်းလည်း
ငါမနိုင်တဲ့ စိတ်က
အဲဒီ အတိတ်တွေ အပေါ်ပဲ ခုန် . . . ခုန်ချနေမှတော့ . . .
နေပါစေ . . .
ရေတွင်းထဲက ‘လ’ ဆိုပေမယ့်
တခုတ်တရ ထုတ်ထုတ်ကြည့်နေခွင့်လေးမှာ
ငါ ဘယ်နှစ်ခါလဲပြိုပါစေဦးတော့ . . . ။
အကျင့်ပါနေတဲ့လက်နဲ့ အကျင့်ပါနေတဲ့ ပါးစပ်မှာ
စီးကရက်တစ်လိပ်ကို သတိလက်လွတ်မီးညှိမိရုံ . . .
‘ ဆေးလိပ်မသောက်တော့နဲ့ ‘ဆိုတဲ့ အမေ့အတွက်
‘ ဆေးလိပ်မသောက်နဲ့နော်’ ဆိုတဲ့ ညီမလေးအတွက်
စိတ်ကွက်လပ်ကို ဒီအတိုင်း ပြန်ထိုးချေလိုက်တယ် ။
ရင်ဘတ်ချင်းတူတဲ့ သူငယ်ချင်း တစ်ယောက်ကို
အကြောင်းအရာမဲ့ လမ်းခွဲလိုက်သလို ခံစားရတယ်
နံရံမှာ . . . မျက်နှာကျက်မှာ
အဆင်မပြေတာ တွေ့ရင် ခံတွင်းကချဉ်လာတာ
အတူနေတာကြာတဲ့ ချစ်သူတစ်ယောက်ကို လွမ်းသလိုမျိုး
ကျွန်တော်ခံစားရတဲ့ အခါ
ဦးနှောက်က ခဏခဏ ဗလာဖြစ်သွားတယ် ။
ဆေးလိပ်ဆန့်ကျင်ရေး ဦးတည်ချက်မပါ
ဆေးလိပ်မကောင်းကြောင်း အကြောင်းအရာများမပါ
ကျွန်တော့်စိတ်ခံစားချက် သက်သက်ကနေ
ခင်ဗျားစိတ်ခံစားချက်ဆီ လှမ်းပို့လိုက်မိတဲ့
ဗလာသက်သက် message တစ်ခုသာ ဖြစ်တယ် ။
ဘာကောင်မှတော့ မဟုတ်ပါဘူး
အိပ်ရာထတဲ့အခါ စောင်ခေါက်သိမ်းရမှာ ပျင်းတဲ့ကောင်
အပျင်းပြေ လေတောင်ဖြောင့်ဖြောင့်တန်းတန်း မချွန်တတ်တဲ့ကောင်
ဆေးလိပ်နဲ့ ကိုယ့်ကိုပြန်မချစ်တဲ့သူကိုမှ ချစ်ခဲ့တဲ့ကောင်
. . . . . . . . . . . . . . . . အဲဒီလိုကောင်
ဒီတိုက်ပွဲအောင်မြင်အောင် တိုက်နိုင်ခဲ့ရင်တော့ ဂုဏ်ယူမိမှာပဲ
သေချာတယ်
ကျွန်တော် သိပ်ဂုဏ်ယူမိမှာပါ ။
သေဆုံးခဲ့ပေါ့ မရှင်သန်ရခင် . . .
ငါတို့ ရင်းနှီးခြင်းက ခပ်ပါးပါး ကွဲကျသွားခဲ့
အတိတ်ကို ငေးရီ ငေးရီမိတိုင်း
ကိုယ့်ကိုယ်ကို သုညတွေ ပေးလိုက်ချင်ရဲ့
မနေ့က နေဝင်ချိန်တွေ ဒီနေ့လောက်မလှဘူး
ချစ်သူရေ
ငါပါ . . . ကြာလေရူးလေ . . .
မင်းကိုချစ်တဲ့စိတ်နဲ့ပဲ
တွေဝေခြင်းတွေ နာရေးကြော်ငြာထဲထည့်
ငါတို့ကြားက တံတားကို
ငါကိုယ်တိုင် အမှားနဲ့ခင်းခဲ့တယ်
အမြစ်က ကျွတ်ထွက်သွားခဲ့သူပါ
သိပ်အခြေခိုင်မယ်လို့ အထင်ကြီးမိတဲ့ နှလုံးသားခမျာ
ချစ်သူရေ
နာမည်ကျော် မင်းအပြုံးတွေကို ရှုံးခဲ့ပြီ ။
လူတွေက ကိုယ့်စိတ်ကို ပစ်ပေါက်ခွဲဖို့
အာရုံကျစရာ ပစ်ကွင်းတွေ လိုက်ရှာနေကြသလို
ညကလပ်များ . . . ဝီစကီခွက်များ
လက်သည်းဆိုးဆေးနီနီများ
သံပတ်ပေးထားတဲ့ အသွေးအသားများ
အားလုံးနဲ့ နေသားမကျတဲ့နောက်မှာ . . .
ကျွန်တော် ငတ်မွတ်နေတာ
တွယ်တာမှုတွေ ရောဖျော်ထားတဲ့ မျက်စောင်းလှလှလေးပါ
ဒီကဗျာကို ရေးဖို့အတွက်နဲ့
လူသိရှင်ကြား အမုန်းခံခဲ့တာလား
ရေခဲသေတ္တာထဲက ပန်းသီးလို
သဘာဝလွန်တဲ့အထိ လတ်ဆတ်နေတဲ့ချစ်ခြင်း
ပြတင်းပေါက်ကို ဖွင့်တော့လည်း
အရင်လို လေကောင်းလေသန့် မရတော့တာကအစ . . .
ဂုဏ်ယူပါ
မျှော်လင့်ထားတဲ့အတိုင်း
မင်းအမုန်းက တစ်ချက်ထဲ ကျင်းဝင်သွားကြောင်းပါ ။
အသည်းကွဲဖူးတယ်
စာမေးပွဲကျဖူးတယ်
စားနိုင်သောက်နိုင်ဖူးတယ်
ခေါင်းငုံသိမ်ငယ်ဖူးတယ်
သေချာကြည့်လိုက်တော့ ဘာတစ်ခုမှ မသေချာတော့ဘူး
မျက်လှည့်ဆရာ လက်ထဲက ဖဲချပ်လို . . . နှင်းဆီပွင့်လို
ဘဝက အပြောင်းအလဲ မြန်တယ် ။
အနိုင်ရသူအတွက် ရှုံးနိမ့်ပေးခဲ့ဖူးတယ်
အရှုံးပေးသူတွေကိုလည်း အနိုင်ယူခဲ့ဖူးတယ်
ခေတ်အကြိုက်ကိုလိုက်ရင်း . . . လိုက်ရင်း
တိုက်ခိုက်ဖို့ထက်
ခုခံကာကွယ်ဖို့က အရေးကြီးတာကို သဘောပေါက်စအရွယ် . . .
မနက်ဖြန်ဆိုတာ
ကျည်ဆန်ထွက်လာမယ့် သေနတ်ပြောင်းဝလား
ကြားလိုက်မိတဲ့ သီချင်းက
“လူ့ဘဝဟာ ရခဲတယ်” ဆိုလား . . . ။ ။
