ချစ်ခြင်းမေတ္တာမှာ သက်တမ်းကုန်ဆုံးတဲ့နေ့စွဲရှိသလား
ဒီထက်နောက်ကျရင် ဒီထက်အနံ့ပိုထွက်ရုံပေါ့
စောစောပုပ်သိုးခွင့်ရတာကိုပဲကျေနပ်လိုက်ရတယ် ။
မရှင်းပြနဲ့တော့
ဒီအရှုပ်အထွေး ငါတို့ယုံကြည်ချက်အကွဲအလွဲတွေအားလုံးအတွက်
နင်ပေးခဲ့တဲ့ မှတ်ချက်တွေလုံလောက်ခဲ့ပါပြီ
အမှန်တရားတွေများတော့
ငါတို့ဘယ်သူမှမမှားဘူးလို့ယူဆကြရုံပေါ့ ။
ပျော်သလိုနေပါ
ငါ့ကိုသတိရတိုင်း
နင့်နံဘေးက နှုတ်ခမ်းကိုနမ်းဖို့
နင်ရွေးချယ်သွားတဲ့ ရင်ခွင်ထဲတိုးဝင်လိုက်ဦးမလား
အချစ်ဆိုတာ နင်ပြောသလိုပေါ့ပေါ့ပါးပါးပေါ့ ။ ။
No comments:
Post a Comment